INCASTRI

Përmbledhje Shkarko Çertifikata Vlerësimet

Incastri, krijuar nga arkitekti japonez Kengo Kuma, është një koleksion që bashkon estetikën e Japonisë me mjeshtërinë italiane, duke sjellë një interpretim të ri të hapësirave të mirëqenies.

Koleksioni Incastri lindi nga ideja se banja nuk është vetëm funksion, por përvojë, ritëm dhe kujdes ndaj vetes. Në këtë vizion, dizajni bëhet ritual dhe luksi i vërtetë lind nga heshtja, nga harmonia dhe nga çasti në të cilin njeriu ndalet.

Frymëzimi kryesor vjen nga tradita japoneze e Chōzu, një ceremoni e lashtë ku uji përdoret për pastrim dhe reflektim. Në Incastri, uji nuk është thjesht element teknik, por gjuhë shpirtërore që lidh trupin me hapësirën, materien me ndjenjat, arkitekturën me poezinë e përditshme. Çdo gjest, çdo prekje, çdo rrjedhje e ujit merr një kuptim të ri – një moment ndijor në të cilin forma bëhet përvojë.

Teksturat e koleksionit interpretojnë teknikën tradicionale Yakisugi, procesi i djegies së drurit që nxjerr bukurinë e brendshme të materialit. Kjo trashëgimi shndërrohet në sipërfaqe moderne, duke krijuar thellësi, hije dhe ritëm vizual, ku kontrasti mes të ashpërs dhe të butës, të errëtës dhe të ndritshmes, shndërrohet në përjetim. Materiali nuk është i ftohtë – është i gjallë, me kujtesë dhe me karakter.