Si të zgjedhni pllakat e pishinave?

Projektimi i një pishine kërkon një qasje të bazuar në dizajn dhe ekzekutim tejet të saktë nga mjeshtrit dhe projektuesit. Zgjedhja e materialit mbulues dhe vendndodhja e tij, kontakti i vazhdueshëm me ujin dhe agjentët e pastrimit, ecja me këmbë të zbathura, standardet ndërkombëtare në lidhje me sigurinë, dhe sistemet e filtrimit janë faktorë që duhet të merren në konsideratë për të krijuar një hapësirë të sigurt, efikase dhe të qëndrueshme.

Për t’i ndihmuar dizajnerët në planifikimin e një pishine të teknologjisë së fundit, Kreativ Qeramika e bën ekspertizën teknike për klientët: nga studimi i projektit deri tek zgjedhja e veshjes së pishinës. Kreativ ofron zgjidhje të plota ndërtimi, duke parandaluar shfaqjen e çështjeve kritike gjatë procesit të projektimit si dhe ofron zgjedhjen më të përshtatshme të zbatueshme për rezultatin përfundimtar të projektit.

Pllakat nga gres porcelani, duke qenë se përbëjnë një qeramikë ekstremisht kompakte, janë veçanërisht të përshtatshme për t’u përdorur në mbulimin e pjesës së poshtme, anëve dhe dyshemesë së jashtme të pishinës.

Përbërja e pllakës rezulton në një rezistencë më të lartë ndaj veprimit gërryes të klorit dhe ngarkesës statike të ushtruar nga uji në strukturë. Poroziteti jashtëzakonisht i ulët rezulton në papërshkueshmëri ekstreme, është i qëndrueshëm ndaj acarit, i lehtë për tu pastruar dhe higjienik. Është i pandjeshëm ndaj goditjes termike dhe rrezeve ultravjollcë, nuk pëson ndryshime në vëllim në varësi të temperaturës dhe mbetet estetikisht i pandryshuar me kalimin e kohës. Për më tepër, falë qëndrueshmërisë dhe metodës së tij të instalimit, bëhet fjalë për një material të besueshëm me kalimin e kohës, i lëvizshëm, i ripërdorshëm dhe i lehtë për tu mirëmbajtur.

Shumëllojshmëria e ngjyrave, madhësive dhe përfundimeve të produkteve nga “Kreativ Qeramika” mund të shtohen në cilësitë tekniko-funksionale të gres porcelanit, të prodhuara posaçërisht me karakteristika kundër-rrëshqitjes dhe gjithashtu të përdorshme si veshje dhe për elementë të veçantë.

Në të njëjtën kohë që përcaktohen karakteristikat teknike të instalimit, “Kreativ Qeramika” do t’i mbështesë projektuesit në zgjedhjen e tyre të përfundimeve estetike dhe madhësive për veshjen e dyshemesë së jashtme, bazuar në kërkesat specifike të projektit dhe përdorimin e synuar.

Pishina publike

Për pishinat publike, “Kreativ Qeramika” ofron pllaka në dimensione tradicionale, 12.5 x 25 cm të prodhuara nga brendi “Floor Gres”, të disponueshme në të bardhë, terkiz, kaltër, fildish, dhe të zezë deti, me sipërfaqe të lëmuara për shiritin e vrazhdë ose kundër-rrëshqitje. Falë teknologjive më të sofistikuara për prerjen me xhet të ujit, është e mundur të përdoren produkte “Florim” për të krijuar dekorime në sipërfaqet e brendshme dhe të jashtme të pishinës: shkrimi, numrat, emrat e brendeve janë dizajnuar grafikisht dhe arrihen me mbështetjen e “Kreativ Qeramika”.

Pishina private

Për pishina në përdorim të banesave dhe shtëpive private, hoteleve dhe llixhave (spa centers) Kreativ Qeramika ofron në dispozicion zgjidhje me një gamë të gjerë të përfundimeve estetike dhe madhësive. Nga plasticiteti material i koleksioneve Industrial, Buildtech 2.0, Airtech dhe Stontech 4.0 nga brendi Floor Gres, deri te dizajni i ngrohtë dhe mikpritës i Urban Style, Wooden Tile dhe Motion nga Casa Dolce Casa-Casamood, nga shkathtësia e Maps, Antique Marble, Natural Stone, Timeless dhe Artifact nga Cerim, e deri te luksi i rafinuar i Ardoise, La Roche, Matières, Planches dhe Esprit nga Rex.

Për pjesën e jashtme të pishinës, mund të llogaritni të gjitha koleksionet e “Kreativ Qeramika” me vetitë e duhura kundër rrëshqitjes, në çdo madhësi deri në 120×120 cm dhe 120×240 cm me përfundime R10 me PTV> 36 të përshtatura për projektet që kërkojnë performancë të lartë teknike. Të gjitha koleksionet e “Kreativ Qeramika” me karakteristika UGL (jo të emajluara) mund të përdoren në një përfundim mat për të mbuluar brendësinë e pishinës, në të gjitha madhësitë e disponueshme, duke përfshirë Magnum 160×320 cm (vetëm 6 mm të trasha) një zgjidhje që hapë skenare të reja për një ndikim të madh estetik në kontekstin e dizajnit të pishinave dhe hapësirave të banjove.

Shumëllojshmëria e produkteve u lejon dizajnerëve liri të pakufishme kompozimi dhe ofron zgjidhje inovative dhe befasuese, duke e ngritur projektin e instalimit të pishinave në një realitet shumë të vlerësuar nga pikëpamja arkitektonike. Përdorimi i materialeve të koordinuara midis enterierit dhe eksterierit të pishinës, mundëson krijimin e një vazhdimësie elegante estetike midis dyshemesë nënujore dhe dyshemesë së thatë, si dhe ndikon në harmoninë e pishinës në kontekstin e saj përreth.

Pishina e jashtme e krijuar me rastin e restaurimit të një kompleksi të lashtë sportiv në fshatin Arcevia, afër Ankonës, paraqet një shembull të vlefshëm, ku cilësia e dyshemesë së pllakave prej gres porcelani ndërvepron me muraturën e konstruksionit arkitektonik, duke sugjeruar një imazh të unifikuar të përgjithshëm, me një komunikim midis të vjetrës dhe të ardhmës.

Përvoja e gjatë e kompanisë “Florim” në dizajnimin e pishinave ka çuar në shembuj të sintezës së jashtëzakonshme midis spektaklit estetik dhe performancës së lartë teknike, sikur me pishinën Y-40 në Hotel Terme Millepini, Padova, një nga më të thellat në botë e njohur për burimin e saj të ujit termal.