Këndi Intim

Këndi intim

Të gjithë jemi të preokupuar me tejkalimin e sfidave të përditshme që i hasim në jetën personale, profesionale dhe në mjedisin që na rrethon. Pavarësisht asaj se si e kemi kaluar ditën në zyrë, terren apo në kafe-bar trupi dhe mendja e secilit kërkon relaks, qetësi, përtrirje dhe ikje nga përditshmëria.

Këndi intim është oaza e shpëtimit nga zhurmat, obligimet, mendimet që ndërlidhen me punën dhe ngarkesat e përditshme. Mënyra si e perceptojmë këndin intim është një nga faktorët kryesorë se si i referohemi vetes.

Kjo hapësirë është reflektim i personalitetit, individuales, i ndjeshmërisë sonë ndaj të bukurës, vijave, hapsirës e cila e definon atë si oazë personale. Ky kënd mund të jetë cilado hapësirë, kthesë, e shtruar me pllaka, te dollapi i librave, rrëzë kaminit, oxhakut aty ku ndodhet vatra e shtëpisë pak si e thelluar që tërheq drejt plotësimit kaq të nevojshëm shpirtëror.

Në Kreativ Qeramika ëndrrën tuaj të një këndi intim ua sjellim në banjon, qëndrimin ditor, bibliotekën, tek vendi i kaminit, murin tuaj të preferuar, dhomën e gjumit, terasën dimërore gjithnjë duke e spikatur të pazakonshmen e zgjedhur nga ju. Në mesin e produkteve tona mund të eksploroni zgjedhje të shumta të pllakave të veçanta të qeramikës në stile të llojllojshme për qejfli të rafinuar.

Kjo hapësirë mund të jetë rikthim në dizajnin tradicional përmes kombinimit me vijat dhe ngjyrat moderne sipas së pazakonshmes së synuar. Këndi intim është vendi ku ndodhë magjia andaj duhet të jetë i magjishëm. Ejani në Kreativ Qeramika për ta shijuar të pazakonshmen, magjinë e produkteve tona të qeramikës dhe të sanitarisë.